الحمد لله

 الحمد لله

أعتذر ألفا بعد ألف فسامحني!

و في ظلمة الليل رأيتك حزينا ..

فقلت:

عاتبني ان أخطأت ،
ايقظني من نومي ،
ضع عينك في عيني ،
انزع عني كل جميل واسلبه مني ،
فحزنك هو حزني ،
وخطأي بحقك ظلم مني ،
 قاضني عند رب العباد ،

اعطني ما استحق وانزع الفرح مني !

أمي ..
أمي ..

افتح عيناي !!

ايقظتني أمي ،
من حلم .. لا لا من كابوس جهنمي!

فقلت شكرا أمي ..
عن الحزن ابعدتني !! من ظلم كابوس اخرجتني !!

وأرسل رسالة صباحية لذاك الشخص الوهمي ^^

انفض عنك الحزن وامضي ..
وأترك الأوهام والآلام خلفي ..
حتى لو كان سبب حزنك مني ..
اعتذر ألفا بعد ألف فسامحني ^^

اعتذر ألف بعد ألف فسامحني ^^

فسامحني .. فسامحنييييي !!

حين يأتي المساء.

حين يأتي المساء ..

و لا تجد من تحادثه ..
و لا تجد نفسا تبتهج ..
كل ما حولك يائس ..

يملأ اليأس نفسك ،، يحتضنك الزهق ..
تتوه الروح ،، تتبعثر الكلمات ..
يصبح بين الحزن والفرح لا فرق ..
يأس فاضح و سرور على سكات ..

وتستمر الحياة :)

#الحمد_لله

No gains without pains

No gains without pains

ليس هناك شك ..

س تربح ، تبتسم ، تضحك ، ترتاح
س يدخل الفرح روحك ، تدخل الطمأنينة قلبك

ولكن ..

لن تحصل على شيء من هذا بدون
تعب ، بكاء ، حزن ، وألم

أسكن قلبك الأمل و اترك الباقي عليه
توكل على الله .. وامضي :)

#الحمد_لله

كلمات الراحة و الهدوء و الطمأنينة

♡ ﻳﺎﺭﺏّ ﻓﻲ ﻫﺬﺍ ﺍﻟمسآء♡

ﺇﻣﻨَﺢ ﺃﺣﺒّﺘﻲّ ﺃﻛﺎﻟﻴﻞ ﻣﻦَ ﺍﻟﺮَﺍﺣَﺔٍ ﻭﺍﻟﻬُﺪُﻭﺀ ،،♡

ﻭ ﺃﻧﺜُﺮ ﺍﻟﺴَﻌــﺎﺩَﺓ ﻋﻠَﻰ ﺃﺑــﻮﺍﺏّ ﻗُﻠُــﻮﺑﻬﻢّ .. ♡

ﻭﻃﻮّﻗﻬُﻢ ﺑﺎﻷﻣــﺎﻥ ﻭﺍﻟﺴَﻜﻴﻨَﺔ ،،♡

ﻭ ﺇﺟﻌَﻞ ﻟَﻬُﻢ ﻣﻦْ ﻛُﻞّ ﺿﻴﻖٍ ﻣَﺨﺮﺟَــﺎً،

ﻭﺇﺭﺯُﻗُﻬﻢ ﻣﺎ ﻳَﺘﻤﻨُــﻮﻥَ ﻣِﻦ ﺣَﻴﺚُ ﻻ ﻳَﺤﺘﺴﺒُــﻮﻥَ ، ،♡

♡ ،، ﺭﺏّ ﺍﻟﻌَﺂﻟﻤﻴﻦّ ،، ♡

خذ الرضا من الام .. وخذ الدعوة من الاخ

خذ الرضا من الام .. وخذ الدعوة من الاخ ..

انا صابر .. ما بعرف هي امي سمتني صابر عإسم خالي اللي استشهد متل ما قالت .. ولا عشان اكون عالحياة وغلبتها صابر ..
امي .. انا الولد الاخير لامي .. عندي اخت وحدة اريج .. واخين رامي وكمال .. وانا الرابع والاخير .. جيت عالدنيا ما بعرف ابوي .. كان يقولولي انه مسافر .. ولليوم وهو مسافر .. وبس كبرت فهمت انه كان هاجرنا وتاركنا وما بعرف عنا اشي وانا ما بعرف الا انه اسمه اسامة .. واني بشبهو ..
كانت امي توخذني معها عالشغل .. ريحة ادوات التنظيف والديتول لليوم بمناخيري .. كنت اقعد عجنب ما استرجي اتحرك .. اشوف ولاد الناس وهي تلعب وتحوس .. وانا قاعد عالدرج بستنى امي تا تخلص تنظيف عشان نروّح .. تعودت اني البس اواعي ملبوسة .. واكمل باقي الاكل من ورا الناس .. تعودت اشوف امي بتتبهدل .. واشوف الدمعة محبوسة بعيونها .. اتعودت كمان اشوف امي متهمينها انها حرمية .. وهي تترجى وتقسم انها ما اخذت اشي .. واتعودت كمان اشوف الناس يقولولها اسفين ظلمناكي .. ويروحوها عدارها مع اكم من قطعة اواعي
ومصاري بزيادة .. عشان يراضوها ..
اتعودت اشوف امي بتحط الاواعي و بتولع فيها النار .. وكنت اضل اعيط بدي الاواعي لانها جديدة.. وتبلش امي تضرب فيي بالحفاي البلاستيك .. من القهر والوجع .. بس احنا الوحيدين اللي كانت امي تقدر تبهدلنا بهالدنيا ..
اريج ورامي .. امي وابوي التانين .. اريج كانت تحممنا انا واخواني مع بعض .. بنفس الطشط ونفس التنكة ،، وكنا نضل لابسين الكلاسين مستحيين منها .. واريج كانت تحضر الهريسة لرامي عشان يطلع يبعيها عالعرباي .. وانا وكمال نضل نعيط بدنا نروح معاه ما بدي اروح اشم الديتول واقعد عالدرج ..وادوق قتلة بنفس الشبشب واروح وانا واعيط ..
كبرنا وكبرت امي .. درسنا بمدارس الوكالة .. وكل الطلاب مقملين وحالقين عالصفر .. الحلو كان انه كلنا بلاطينا عليها رقعة .. وكلنا شناتينا من السنة الماضية ..
رامي كان عبقري بالمدرسة وكمال كمان .. بس انا كنت تيس .. اتضل اريج ساعة اتدرس فيي بالاخر تضربني وترمي الكتاب .. وتحلف يمين انها ما تدرسني .. بس ترد تمسك الكتاب ونعيد من اول ..
كبرت وصار دوري امسك عرباية رامي وابيع هريسة .. كتير اتهموني اني نصاب .. وكتير وقفو داقو الهريسة وراحو وكتير اشوف ناس ماخذين ولادهم مشاوير بالسيارة يطعموهم هريسة وانا قاعد ادوق حم الصيف .. وبرد الشتا .. شغل امي برى الدار .. دراسة رامي .. شغل اريج جوا الدار ..وقفتي عالعرباي .. مقاتلاتي انا وكمال .. لمتنا حوالين الصوبا نسخن خبز و نتعشى .. الاكل البايت .. العدس .. المجدرة خمس ايام بالاسبوع .. حياة كانت صعبة .. بس بتمنى اقدر ارجع يوم واحد منها ..
اتخرج رامي واشتغل .. وكمال كان بالجامعة .. وانا بالعافية خلصت توجيهي .. وطول هالوقت امي تشتغل .. واريج تزوجت ابن حلال .. ابن جيرانا مجاهد ،، وما كان يمنعها ابداً تيجي عنا وتساعد امي ..
بعد ما خلص كمال واشتغل .. صار الوقت انها امي تقعد وتتريح .. تتعزز ببيتها .. وانا كنت بالجامعة وبشتغل كمان بمحل قماش عند ابو محمد .. زلمة شرواكم بالخير ابن حلال كان ما عنده محمد ولا حمدة .. كان يعتبرني ابنه .. وكثير كان يساعدني مادياً .. وقالي جيزتي عليه .. وفعلا تزوجو اخواني الحمدلله .. وسكنو فوق امي .. وانا ضليت اشتغل بمحل القماش حتى بعد ما خلصت جامعة .. وضعنا المادي صار يتحسن .. عالقليلة قادرين نستت امي و نساعد اريج ومجاهد ..
وتزوجت رنا .. وسكنت فوق امي قبال دار كمال ..
وكنا كتير نسهر عندها .. ونضحكها .. ونزكزها بشبشبها البلاستيك اللي علم على جلودنا ..
امي .. ما قدرنا نرجعلك ماضييكي اللي راح .. ما قدرنا نسد جوعك وتعبك وقتها .. واليوم بس بقدر ادعيلك بالرحمة .. واقلك انك ربيتينا عالقناعة والرضا والصبر .. واقلك انها اريج بعيوننا يما .. والله مشتاقلك يما .. والله نفسي ارد اشوفك واحطك عراسي يما .. والله انا اسف يما اسف ازا زعلتك وقهرتك مع هالدنيا يما .. الفقر مش عيب يما .. العيب تكون فقير وجوعان .. وانت سديتي جوعنا بعرق جبينك وكرامتك يما .. دفعتي عمرك عشاننا يما .. الله يرحمك ويصبرنا عفراقك يا غالية ..

‫#‏بتفلسف_عليكم‬

انا ما باستحي من ... ، و ما باخجل من ...

 

ﺃﻧﺎ ﻣﺎ ﺑﺴﺘﺤﻲ ﻣِﻦ ﺃﻣﻲ ﻟﻤﺎ ﺑﺘﻔﺎﺻِﻞ ﺻﺂﺍﺣﺐ ﺍﻟﻤَﺤﻞ ﻋﻠﻰ ﺍﻟﻘِﻄﻌﺔ !

ﻭﻻ ﺑَﺨﺠﻞ ﻣﻦ ﺇﻣﻲ ﻟﻤﺎ ﺗﻮﻗِﻒ ﺗﺸﺘﺮﻱ ﻣِﻦ ﺑﺴﺴﻄﺔ !

ﻭ ﻣﺎ ﺑﺴﺘﺤﻲ ﺃﺷﺘﺮﻱ ﺇﺷﻲ ﻋﻦ ﺍﻟﺸﺎﺁﺭﻉ , ﻭ ﻣﺎ ﺑَﺴﺘﺤﻲ ﻣﻦ ﺃﻣﻲ ﻟﻤﺎ ﺗﺤﻜﻴﻠﻲ ﻓﺶ ﺃﺷﺘﺮﻱ ﺇﺷﻲ ﻷﻧﻮ ﻏﺎﻟﻲ ﻛﺜﻴﺮ !

ﺃﻧﺎ ﻣﺎ ﺑﺨﺠﻞ ﻷﻧﻮ ﻟِﺒﺴﻲ ﻣﺶ ﻣﺎﺭﻛﺎﺕ, ﻭﻻ ﺑﺨﺠﻞ ﻟﻤﺎ ﺃﺭﻭﺡ ﻋﻠﻰ ﺃﺣﻴﺎﺀ ﺷﻌﺒﻴﺔ !

ﻭ ﻣﺎ ﺑﺴﺘﺤﻲ ﺃﺩﺧﻞ ﺍﻟﻤُﺨﻴﻢ ﻭ ﺃﺗﻌﺎﻣﻞ ﻣﻊ ﺃﻫﻞ ﺍﻟﻤﺨﻴﻢ ,, ﻷﻧﻬﻢ ﻣﺶ ﻧﻮﺭ ﺯﻱ ﻣﺎ ﺇﻧﺘﻮ ﺑﺘﻔﻜﺮﻭﺍ !

ﻭ ﻣﺎ ﺑﺨﺠﻞ ﺃﺩﺧﻞ ﻋﻠﻰ ﻣﻄﺎﻋﻢ ﺷﻌﺒﻴﺔ ﻭ ﻣﺶ ﻏﺎﻟﻴﺔ ﻛﺘﻴﺮ ,, ﻋﺸﺎﻥ ﺑﺮﺳﺘﻴﺠﻲ ﺑﺴﻤﺤﻠﻴﺶ ﺃﺭﻭﺡ ﻋﻬﻴﻚ ﻣﺤﻼﺕ !

ﻭ ﻛﻤﺎﻥ ﺑﺴﺘﺤﻴﺶ ﺇﺯﺍ ﺑﻴﻮﻡ ﻣﻦ ﺍﻷﻳﺎﻡ ﺭﺁﺡ ﺃﺭﻭﺡ ﻋﻠﻰ ﺍﻟﺠﺎﻣﻌﺔ ﺑﺪﻭﻥ ﻣﺼﺮﻭﻑ ,, ﻷﻧﻮ ﺃﻫﻠﻲ ﺍﻟﻴﻮﻡ ﻓﺶ ﻣﻌﻬﻢ ﺻﺮﺁﺍﻓﺔ !

ﻭ ﺑﺮﺿﻮ ﻣﺎ ﺑﺴﺘﺤﻲ ﺃﻛﻞ ﺑﺎﻟﻤﻄﻌﻢ ﻋﻄﺒﻴﻌﺘﻲ , ﻷﻧﻲ ﻣﺶ ﻣﻀﻄﺮ ﺃﺑﺮﺭ ﻟﻜﻞ ﺣﺪﺍ ﻟﻴﺶ ﻋﻢ ﺑﺂﺍﻛﻞ ﻫﻴﻚ !

ﻭ ﺃﻫﻢ ﺇﺷﻲ ﻣﺎ ﺑﺨﺠﻞ ﺇﻧﻲ ﺃﺣﻜﻲ ﻫﺎﻟﺤﻜﻲ ,, ﺑﺘﻌﺮﻓﻮﺍ ﻟﻴﻪ ﻷﻧﻮ ﺷﻮ ﻣﺎ ﻛﺂﻥ ﻭﺿﻌﻲ ﺃﺣﺴﻦ ﻣﻦ ﻏﻴﺮﻱ ﺣﺘﻰ ﺍﻟﺒﺴﻄﺔ ﻓﻲ ﻧﺎﺱ ﺑﺘﻘﺪﺭﺵ ﺗﺸﺘﺮﻱ ﻣﻨﻬﺎ ,ﻭ ﺍﻟﻤﺼﺮﻭﻑ ﺍﻟﻠﻲ ﻣﺶ ﺭﺍﺡ ﺃﺧﺪﻭ ﻳﻮﻡ ﻓﻲ ﻧﺎﺱ ﺑﺘﺎﺧﺪﺵ ﻃﻮﻝ ﺍﻟﺴﻨﺔ ﻭ ﻋﺎﻳﺸﻴﻦ ﻋﻠﻰ ﺧﻴﺮ ﺍﻟﻨﺎﺱ !

ﺑﺎﻟﻌﺮﺑﻲ ﻳﺎ ﺷﺎﻃﺮ ﺍﻟﻤَﺼﺎﺭﻱ ﻭ ﺍﻟﻜﻴﻒ ﻣﺶ ﻫﻲ ﺍﻟﻠﻲ ﺑﺘﺼﻨﻊ ﺍﻟﺰﻟﻤﺔ ﻭ ﺑﺘﺼﻨﻊ ﺍﻟﻤﺮﺃﺓ ﺍﻟﻘﻮﻳﺔ ﻭ ﻣﺶ ﻫﻲ ﺍﻟﻠﻲ ﺑﺘﺠﻴﺐ ﺍﻟﺴﻌﺎﺩﺓ ♡

#بتفلسف عليكم